Азнакай районында подъездда җиде яшьлек кызны көчләгәннәр
Педофил баланы сәгать ярым дәвамында җәфалаган, ул аңа телефон сатып алырга вәгъдә иткән.
Азнакай районында подъездда җиде яшьлек кызны көчләгәннәр. Бу хакта Татарстан.ньюс бер социаль челтәрдә хәбәр итә.
Физик яктан газап һәм сексуаль көчләү эзләре булган баланы Лениногорск хастаханәсенә салганнар.
Шикләнелүче бәндәнең йорт подъездында ремонт ясаган вакытта ук кызга игътибар иткәнлеге билгеле. Педофил баланы сәгать ярым дәвамында интектергән, моның өчен ул аңа телефон сатып алырга вәгъдә иткән.
Хәзерге вакытта көчләүченең фотосурәтен шәһәр халкы мессенджерларда тарата. Бу фаҗиганең нечкәлекләре әлегә хәбәр ителми, әмма кызны хастаханәдән чыгарганнар инде.
18+
Следите за самым важным и интересным в Telegram-каналеТатмедиа
