Саннар сөйли

Узган елда районыбыз территориясендә хуҗалык эшчәнлеге алып баручы предприятиеләр һәм оешмалар тарафыннан җитештерелгән продукция, күрсәтелгән хезмәт, башкарылган эш күләме, кече бизнес өлкәсен дә кертеп, тулаем алганда 39 337 миллион сумлык булган (2013 елда - 35 252 миллион сумлык). Шул исәптә: 7 304 миллион сумы - сәнәгать; 19 527 миллион сумы - геология; 3 064 миллион сумы - транспорт һәм элемтә; 1 056 миллион сумы - фән; 3 887 миллион сумы - төзелеш; 701 миллион сумы авыл хуҗалыгы өлкәсенә туры килә. Зур һәм уртача зурлыктагы предприятиеләрдә эшләүчеләр саны - 24 427 (24 697 булган). Зур һәм урта зурлыктагы предприятиеләрдә эшләүчеләрнең уртача хезмәт хакы аена 27 100 сум тәшкил иткән (2013 елда 24 946 сум булган).