Бөгелмәдә һава торышы бозылу көтелә

ТР Гидрометеорология һәм әйләнә-тирә мохитны күзәтү идарәсе һава торышы шартлары бозылу турында кисәтү таратты.

Татарстан территориясендә һава торышы бозылу көтелә. ТР Гидрометеорология һәм әйләнә-тирә мохитны күзәтү идарәсе шул хакта кисәтү таратты.
21 сентбярь көнне республикада төнлә томан, ә көндез көчле яңгырлар һәм җилнең секундына 15-17 метрга кадәр көчәюе көтелә.

22 сентябрь көнне Татарстанда төнлә һәм иртән көчле яңгырлар явачак. Ә тәүлек дәвамында яшеннәр һәм секундына 15-20 метрга кадәр көчәючән җил фаразлана.