Бөгелмә районы тыл хезмәтчәннәренә юбилей медальләре тапшырылды
Зеленая Роща җирлегендә тантаналы рәвештә өйләрендә тапшырдылар.
Бөек Ватан сугышы башлангач, хәрби хезмәткә чакырылу яшендәге ирләрнең күбесе Зеленая Роща авылыннан фронтка китә. Җир эшкәртү, терлек карау, уңыш җыю һәм башка эшләр хатын-кызларга, картларга, балаларга төшә.
Тыл хезмәтчәннәре арасында — Миңгаян Закирҗан кызы Казакова, Мөктасыйм Җамалетдин улы Гайнетдинов һәм Мөкатдис Сабир улы Латыйпов. Рәхмәт сүзләре белән аларга «1941–1945 еллардагы Бөек Ватан сугышында Җиңүгә 80 ел» юбилей медальләре тапшырылды. Авыл җирлеге башлыгы урынбасары Светлана Новикова, ветераннар (пенсионерлар) советы әгъзасы Ирина Ишкова, ефрейтор Вадим Бурганов якташларына ныклы сәламәтлек, якыннарының игътибарын һәм кайгыртуын, озын гомер теләделәр.
ФОТО: Виталий НОВИЧКОВ.
Следите за самым важным и интересным в Telegram-каналеТатмедиа
