Туфан Миңнуллин истәлегенә

Татарстан Мәдәният министрлыгы Республика традицион мәдәниятне үстерү үзәге XIII төбәкара "Идел-йорт" халык театрларының йомгаклау фестивале 6 - 15 ноябрь көннәрендә Казан шәһәре В.И. Ленин исемендәге мәдәни-ял итү комплексында уза.
Фестивальнең финал өлешендә чыгыш ясаячак 11 халык театры арасында безнекеләр дә бар. Бөгелмә шәһәре Татар мәдәният үзәге халык театры 9 ноябрь
көнне кичке сәгать 6да тамашачы хозурына Туфан Миңнуллинның "Әниләр һәм бәбиләр" (режиссеры - Татарстан Республикасының атказанган мәдәният хезмәткәре Флюра Әхмәтвәли кызы Шәрипова) мелодрамасын тәкъдим итә. Якташларыбызга бәйгедә уңышлар телибез.