Бөгелмә районы Акбаш авылында кышкы уеннар уйнаганнар

Кыш - әкияти маҗаралар, актив ял, спорт белән шөгыльләнү вакыты. Акбаш авылы китапханәчесе “Сәламәт булу, актив яшәү - ул стильле, позитив яшәү” дип исемләнгән бәйге-уен программасы үткәрде.  

Балалар бик теләп барлык хәрәкәтчән конкурсларда да актив катнаштылар, җитезлеккә, зирәклеккә караган биремнәрне үтәделәр, тизлек һәм төгәллеккә багышланган бәйгеләрдә үзара ярыштылар. “Суык викторина” сорауларына бердәм җавап бирделәр, кыш темасына караган табышмакларны чиштеләр, “Кышкы әкиятләр”гә караган сорауларга җавап бирделәр. Актив катнашкан өчен барысы да татлы призлар алды. 

Эльза ХАННАНОВА, Акбаш авылы китапханәчесе 

Автор фотосы