АКШ экспертлары иң куркыныч смартфоннар исемлеген төзегән
Актуаль тема

АКШ экспертлары иң куркыныч смартфоннар исемлеген төзегән

АКШның элемтә буенча федераль агентлыгы аналитиклары дөньядагы иң куркыныч смартфоннар исемлеген төзегән, дип яза «Татар-информ», «Известия» газетасына сылтама белән.

Исемлекне төзегәндә, гаджетның кешегә зарарлы йогынтысын күрсәтә торган SAR-нурланыш дәрәҗәсе исәпкә алынган. Нәтиҗәдә Google Pixel 3 XL смартфоны иң куркынычы булып чыккан. «Федераль яңалыклар агентлыгы» хәбәр иткәнчә, әлеге модельнең максималь нурланыш күрсәткече – 1,52 Вт/кг, кешенең тәне һәм башы өчен 1,35 Вт/кг тәшкил итә. Икенче урында – Google Pixel 3 смартфоны. Аның күрсәткече – 1,34 Вт/кг. One Plus, LG V40, iPhone XS Max һәм XS смартфоннары да иң куркыныч гаджетлар арасына кергән.

Сүз уңаеннан: 31 декабрьдә Американың Огайо штатында яшәүче бер ир-атның чалбар кесәсендә iPhone XS Max смартфоны яна башлаган. Ул Apple компаниясен судка бирергә ниятли.

http://shahrikazan.ru

Фото: pixabay.com