Күрше Башкортстанның башкаласы Уфада яшәүче ана 4 яшьлек һәм 3 яшьлек балаларын кочу бәхетенә иреште.
Балалар 21 август төнендә өйдә вакытта югала. Моңа кадәр әни кеше иренә аерылышуга гариза бирергә җыенуын әйтә. Ир балаларны үзендә калдырачагын әйтә. Еленаның ире Азәрбайҗан ягыннан була. Шуңа да хатын балаларын шундадыр дип уйлый. Борчуга төшкән Елена хокук сакчыларына мөрәҗәгать итә.
Ир белән хатын барысын да уртага салып сөйләшеп, уртак фикергә килә һәм ир балаларны Еленага кире кайтара.
