Коткаручылар Татарстан сулыкларында батып үлгән ике кеше гәүдәсен чыгарган

Коткаручылар Иделдән Казанның Победилово бистәсе районнан - 36 яшьлек ир-атның, Биектау районында Пермяковский күленнән 23 яшьлек егетнең үле гәүдәсен чыгаран. Бу хакта "Татар-информ" агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр. 2нче эзләү-коткару отряды водолазлары 36 яшьлек ир-атны 9500 квадрат метрда елга төбен тикшереп, өч көн эзләгән.
Пермяковский күлендә 23 яшьлек егет кешеләр күз алдында батып үлгән. Коткаручылар аны тиз табып алган. Аларның мәетен полициягә тапшырганнар.
Нурлат районындагы Яңа Әмзә авылы янындагы Әмзә буасында баткан 62 яшьлек хаты-кызны, шулай ук Әгерҗе районындагы Красный бор янында Камада баткан 53 яшьлек ир-атны эзләү эшләре дәвам итә.