Дөнья буйлап сәяхәт

Үзәк китапханәнең уку залында сәяхәтчеләргә багышланган мәгълүматлар көне узды. "Дөнья буйлап сәяхәт" күргәзмәсендә планетабыз серләре, онытылган шәһәрләр, ыру-кабиләләр турында сөйли торган китап күргәзмәсе эшләде. КНИТУ Бөгелмә филиалы студентлары геолог, сәяхәтче һәм иҗат әһеле Фәрит Газизуллин белән очрашты. "Кайчандыр үзе күргән табигать гүзәллекләрен башкаларга да җиткерәчәкмен дип үзенә сүз биргән бу мөхтәрәм затның хыялы чынга ашты: очрашу бик мавыктыргыч узды", - дип яза китапханәче Светлана Клецова.