Бөгелмәдә яңа салынган асфальт ни өчен яңабаштан салына?

Соңгы өч ел эчендә Бөгелмә районындагы юлларны ремонтлау һәм яңа баштан салу өчен 680 миллион сум акча тотылган. 2017 елда шәһәр урамнары 280 миллион сумга төзекләндерелгән. Тик кайбер урыннарда яңа салынган асфальтны яңабаштан салу күзәтелә. Бу эшләргә карата бөгелмәлеләрдән: "Шәһәр хакимяте шул рәвешле акча юа!"- дигән сүзләр ишетергә туры килә.

-Без акча юмыйбыз! Шул рәвешле подрядчыдан намуссыз эшләнгән юл участокларын яңабаштан салдырабыз һәм әлеге эш алар исәп-хисабына башкарыла. Бу алымыбыз киләчәктә аларның эшкә намуслы каравына китерер дигән өмет бирә, - ди шәһәр мэры Линар Закиров.

Юлга түшәлгән асфальтның сыйфатын "Стройнадзор" оешмасы тикшергән.