Бөгелмәдә халыкка түләүсез юридик ярдәм күрсәтелде

24 март көнне "Бердәм Россия" партиянең Бөгелмә җирле бүлекчәсе җәмәгать кабул итү бүлмәсендә түләүсез юридик ярдәм күрсәтү көне булды.

Бөгелмәлеләрне нотариус Резеда Николаенко кабул итте. Аңа килгән 6 кешенең сораулары мирас мәсьәләләре белән бәйле иде.

Соңрак шунда ук үз эшен адвокат Алексей Круглов дәвам итте. Ул 7 кешене тыңлады. Бу көнне халыкны суд приставы Надежда Митряева һәм прокурор ярдәмчесе Тимур Әблиев та кабул итте.

Бу көнне Партиянең җәмәгать кабул итү бүлегендә 20дән артык кеше булды. Аларга квалификацияле консультация ярдәме күрсәтелде.