Бөгелмә мөхтәсибәте мөселман хатын-кызлары өчен спорт чарасы уздырды

Бөгелмә мөхтәсибәте мөселман хатын-кызлары өчен "Сәламәтлек чаңгысы" дип исемләнгән спорт чарасы уздырды.

Мондый чара Бөгелмәдә беренче тапкыр оештырыла. 8 Март Халыкара хатын-кызлар бәйрәменә багышланган чара программасы зурларга гына түгел, ә балаларга да юнәлгән иде.

Хатын-кызлар чаңгы трассасын узган вакытта, балалар өчен актив уеннар уздырылды.

Һәр катнашучы бәйгегә җитди карады һәм җиңүгә омтылды.

Финишка беренчеләрдән булып килүчеләр арасында урыннар түбәндәгечә:

1 урын - Елена Имамова;

2 урын - Альбина Йосыпова;

3 урын - Миләүшә Ишмиева.

Узыш тәмамланып, җиңүчеләр билгеле булгач, бүләкләү тантанасы һәм бергәләп чәй эчү чаңгы базасы кафесында узды.

Җиңүчеләр кыйммәтле бүләкләргә, ә һәр катнашучы татлы бүләккә ия булды.

Бөгелмә мөхтәсибәте