Пычракны тазарту оят эш түгел

1940 еллар азагында була бу хәл. Бер геологик экспедиция базасында бәдрәф әйтеп бетергесез дәрәҗәдә пычрак, шакшы икән. Бервакыт алар базасына князьләр нәселеннән булган белгеч килергә тиеш була.

--Ярый инде без күнеккән кешеләр, ә менә "әфәнде" ничек ул бәдрәфкә йөрер? -- дип мыскыллап көлешәләр икән геологлар.

Князь исә базага килгәч, моңарчы булмаган эшне башкарып, күпләрне телсез калдырган. Ул сулы чиләк, чүпрәк алып, бәдрәф идәнен юган. Бу чын аристократлар эше, пычракны тазарту түгел, ә пычракта яшәүнең оят булуын дәлилләгән.

Айгөл ШӘРӘФИЕВА әзерләде.