Кызыклы мозаика

Мозаика рәвешендә сурәт төшерү - кызыклы һәм мавыктыргыч булса да, вакыт һәм сабырлык таләп итә торган шөгыль.

Рәссамнар мозаика ясау өчен нинди генә чимал кулланмый! Албан рәссамы Саимир Страти, мәсәлән, гомере буе кадаклар, шәраб бөкеләре, шөрепләр, хәтта
теш чистарта торган таякчыклар кулланып та күләмле портретлар, паннолар ясау белән мавыга.
Ә менә Австралиянең Сидней шәһәрендә ел саен үтә торган фестивальдә кофе салынган чынаяклардан Мэрилин Монро белән Мона Лизаның зур портретларын эшләгәннәр. Беренчесен ясау өчен 780 литр кофе, 680 литр сөт тутырылган 5 200 чынаяк кирәк булган!

Рәсемдә: Албан рәссамы Саимир Страти теш таякчыкларыннан картина ясый