Бөгелмәдә юл-патруль хезмәте нарядлары төркеме чираттагы тапкыр транспорт йөртүчеләрне тикшерү үткәрәчәк

Алдагы шимбәдә, 15 августта, 6 сәгать 30 минуттан сәгать 8гә кадәр Казан-Оренбург автомобиль юлының 317нче километрында (Петровкага чыгу юлы), юл-патруль хезмәте нарядлары төркемнәре, юл йөрү кагыйдәләрен бозуның аерым төрләренә махсус игътибар юнәлтеп, машина йөртүчеләрне массакүләм тикшерү үткәрәчәк.

Чараның максаты – автобуслар йөртүчеләрнең юл хәрәкәте кагыйдәләрен бозуларын, пассажирларны автобуслар белән йөртү өлкәсендә хокук бозуларны; пассажирлар йөртүне гамәлгә ашыручы транспорт чараларының техник төзексезлеген; транспорт чарасы конструкциясенә кертелгән үзгәрешләр белән автобусларны, ЮХИДИ органнары белән килештермичә, эксплуатацияләү фактларын ачыклау.

Белешмә өчен: узган 2019 елда ТР Эчке эшләр министрлыгының ЮХИДИ юл-патруль хезмәте идарәсенең 3нче ротасы хезмәт күрсәтә торган автомобиль юлларында автобус катнашындагы 2 юл-транспорт һәлакәте булган, һәлак булучылар юк, 6 кеше тән җәрәхәтләре алган.