Бөгелмәдә юл-патруль хезмәте хезмәткәрләре «Мобильник» дигән профилактик чара уздырачаклар

Иртәгә, 28 августта, 6 сәгать 30 минуттан 8:00гә кадәр Казан – Оренбург автомобиль юлының 312нче чакрымында (Лениногорскига чыгу юлы) юл-патруль хезмәте нарядлары «Мобильник» профилактик чарасы – машина йөртүчеләрне массакүләм тикшерү үткәрәчәк.

Чараның максаты – хәрәкәт вакытында телефоннан файдаланучыларны, телефонны кулга  тотмый гына сөйләшүләр алып барырга мөмкинлек бирүче техник җайланма белән җиһазландырылмаган йөртүчеләрне ачыклау.

Әлеге таләпне бозган өчен машина йөртүчегә административ хокук бозулар турында Россия Федерациясе кодексының 12.36.1 маддәсе нигезендә 1 500 сум административ штраф салына.