Кеше баласы

Бик озак кына буйдак булып йөргәннән соң өйләнгән егеткә бер танышы:
- Миргалим, өйләнгән­сең дип ишеттем, әйбәт булган, тигез гомер итегез, - дигән.
- Китте инде. Кеше баласы сиңа иш була димени?

Базарда барысы да бар

Күптән, ачлык вакы­тын­да булган хәл бу. Кечкенә кыз әбиләренә килгәч: "Әбием, нигә ашыгыз бик сыек, бәрәңгесе дә аз, токмачы да юк", - дип сорый икән. Оныгына ризык юклыктан зарланмас бит инде әби кеше. "Кызым, казаныбыз тишелде бит, яматасы бар", - дип акланган.
Кыз икенче килүендә: "Казанны яматтыгызмы, әбием?" - дип сораган.
- Яматмадык шул әле, кургаш юк, - дигән әби.
- Базарда бардыр ул, шуннан алырга кирәк иде.

Кызыл тәре

Авылда берәүнең мунчасы янып китә. Тирә-як күршеләре сүндерешергә җыелган. Хуҗа кеше хатынын битәрли:
- Ни өчен, ни пычагыма шул чаклы утын әрәм итеп, мунчага ут кабарлык күп яктың?
- Кайттың да кашын­дың, кайттың да кашын­дың бит, кызыл тәре, - дип җа­­вап кайтарган хатыны, иренең коммунист икәнлегенә ишарәләп.

Эштән соңгы эш

Эшлекле сөйләшү­ләр­­­дән соң кичкә таба Джон Кеннеди белән Никита Хрущев Кремль ти­­рә­ли һава суларга чыкканнар. Үзәк универмаг янында эшләпәсен җиргә әйләндереп куйган бер кешегә юлыкканнар болар. Кеннеди сорый икән:
- Нәрсә, әллә эшсезме?
- Юк, эштән соң.

Мәхтүмә ГАЛЛӘМОВА,
мәгариф ветераны.
Бөгелмә шәһәре.