Бөгелмәлеләр, "смайлик" көнен бәйрәм иттегезме?

Ел саен 19 сентябрьдә дөньяда бик кызыклы бәйрәм билгеләнә - ул безнең компьютерларда "смайлик" барлыкка килгән көн.

Бу 1982 елда була. АКШның Карнеги-Меллон университеты профессоры Скотт Фалман компьютердан аралашыр өчен махсус билге булдыруны тәкъдим итә. Инглиз телендә "смайл" "елмаю" дигәнне аңлата. Аның барлыкка килүе компьютер аша язышу алып баручылар өчен хисләрен яхшырак аңлатырга ярдәм итте һәм электрон лексиконны баетты. Бихисап еллар инде бу символ электрон аралашуда аерылгысыз роль уйный. Виртуаль дөньяны бу мөлаем йөзләрдән башка күз алдына да китереп булмый. Әйтергә кирәк, "смайлик"ның бик күп туганнары да барлыкка килде. Алар боегу, гаҗәпләнү, соклануны күр­сәтүче йөзләр.