Байлар да елый

Кейт Миддлтон белән принц Уильям арасыннан кара мәче узган, дип чаң суга Көнбатыш мәгълүмат чаралары. Герцогиня Кембриджская иренең Швейцария тауларында шуганда башка хатын-кызлар белән аралашканын гафу итә алмый икән.

Бу хакта ул күпсанлы фотолардан белеп калган. Хатын нык ярсыган һәм кимсенгән, хәзер иренең нервыларын ашый икән. Мартта да принцны Швейцариянең тау курортында бер Австралия моделе белән күргәннәр иде. Моннан тыш, бу сәфәрендә аны төнге клубларның берсендә фотога төшергәннәр.
Безнең Кейтка әйтәсе сүзебез шул: "Кейт, балакаем, курортларга иреңне ялгызын җибәрмә. Әле аларның юк кына бер хәчтерүш өтеге дә читкә карарга гына тора, принцлар турында ни әйтәсең инде!".