1 гыйнвар иртәсендә…

1 гыйнвар иртәсендә телефон аша җәмәгатьчелек фикерен сораштыру уздыралар. 2 процент – “әйе”, 3 процент “алло” дип әйтә ала, калганнар, нишләптер, җавап бирергә авырсыналар.

1 гыйнвар. Иртән торган идем, карасам, кичке ашны ашар вакыт җиткән.

* * *

Яһүд Кыш бабае:

– Исәнме-е-се-ез, балалар! Бүләкләр сатам, рәхим итегез!

* * *

Яшь барган саен Яңа елга караш та үзгәрә. Балачакта аның тизрәк җитүен телисең. Үскәч, рәхәтләнеп “тугарыласың”. Картайгач: “Тагын Яңа елмыни?!” – дип аптырыйсың.

* * *

1 гыйнвар иртәсендә кибеттә:

– Икмәгегез яңа пешкәнме?

– Юк, узган елгы...