12 сентябрь көнне, “Көзге игелек атнасы” кысаларында, “Яңарыш” мөмкинлекләре чикле балалар һәм яшүсмерләрне тернәкләндерү үзәгендә спорт эстафетасы үткәрелде.
Әлеге чараның максаты - коммуникатив күнекмәләрне үстерү, психик-эмоциональ сәламәтлекне ныгыту, сәламәт яшәү рәвешенә җәлеп итү.
Эстафетада 8 гаилә һәм Бөгелмә кадет мәктәбе укучылары катнашты.
Уртак чаралар балалар һәм ата-аналар арасындагы мөнәсәбәтләргә уңай тәэсир итә, яшьтәшләре белән аралашканда, балалар тигез аралашуга өйрәнәләр, практикада үз-үзеңне тоту кагыйдәләре нормаларын үзләштерәләр.
Ирина МЕЛЬНИКОВА,
физик культура буенча инструктор
