Әниләр турында укыйбыз

Китапханәче балаларны Сусанна Михайловна Георгиевская иҗаты белән таныштырды, “Галина мама” повестеннән өзек, Е. Благина, Н. Саконскаяның шигырьләрен укыды, Вера Хәмидуллинаның “Өйдән яхшы кәеф китүе турында әкият” дигән гыйбрәтле хикәяте белән тәмамлады. Балалар гаилә мөнәсәбәтләре, иң кадерле кешегә – әнигә карата мәхәббәт турында фикер алышуларда актив катнаштылар. “Бөтен гаиләбез белән китаплар укыйбыз” һәм “Сабый теле белән” дигән конкурслар үткәрделәр, барлык сыйныф белән әни турында җыр җырладылар. Сиңа ничә яшь булса да, бишме сиңа яки син инде бик зурмы, сиңа һәрвакыт әни кирәк, аның кайгыртуы, аны игелекле мөгаләмәсе, аның синең тормышыңда катнашуы, аның җылы, якты, мөлаем карашы беркайчан да артык түгел.

Әнисә САМУЧЕНКОВА,

А. КИМ фотосы