Хатын-кызларга...

Хөрмәтле хатын-кызлар,
Җыелды сезгә үпкәм:
Ирегез эштән кайтканда,
Каршы алмыйсыз күптән.

Матур итеп бизәнеп,
Тәмле хушбуй сибенеп,
Ай-кояш күк елмаеп,
Каршы алыр идегез,
Әмма... эштә үзегез...

Тәмле аш та пешмәгән,
Бүлмәләр җыелмаган,
Керләр дә юылмаган -
Бернигә кул тимәгән...
Ә кайда йөри балалар?..

Ике фронтка тырыша
Бүгенге хатын-кызлар:
Берсе - эштә, берсе - өйдә.
Ничек өлгерсен алар?

Матур киләчәк өчен
"Тигезсезлек" теләгез.
Шуның өчен көрәшергә
Вакыт җитте - беләбез!