Татарстан Республикасы көнендә Бөгелмәдән яшь гаиләгә ТАССРның 100 еллыгы уңаеннан истәлек билгесе тапшырылды
Табиб Сәбаховлар гаиләсендә беренче бала – уллары Фәргать туды.
30 август көнне, Татарстан Республикасы көнендә бәхетле яшь әти-әнине бу шатлыклы вакыйга уңаеннан котладылар. 26 августта табиблар Тимур Илдар улы һәм Гүзәл Миңнулла кызы гаиләсендә беренче бала – уллары Фәргать дөньяга килде.
Бөгелмә районы башлыгы Линар Рөстәм улы Закиров исеменнән гаиләне башкарма комитет җитәкчесенең социаль мәсьәләләр буенча урынбасары Ольга Плеханова котлады, ул гаиләгә ТАССРның 100 еллыгы уңаеннан истәлекле билге тапшырды.
Әти-әниләргә сабыйның беренче хокук билгеләүче документы – туу турында таныклык тапшырылды. Без дә Сәбаховлар гаиләсенә иминлек һәм чәчәк атуын телибез.
Следите за самым важным и интересным в Telegram-каналеТатмедиа
