Радик Юлъякшин Башкортстанның атказанган артисты булды

Башкорт эстрадасының популяр җырчысы Радик Юлъякшин Башкортстанның атказанган артисты исеменә лаек булды. Бу хакта "Башинформ " хәбәр итә.

Баймак районының Граф күлендә башкорт яшьләре җыены узганда, шул хакта дәүләт указы имзаланган булган инде.
Яраткан артистларын карарга ун меңләп кеше җыелган. Радик Юлъякшин алар өчен румын музыканты Ион белән чыгыш ясап, сәгать ярымнан артык җырлаган.

Искәртеп үтик,Башкорт яшьләре җыены 29 июль көнне узды. Бәйрәмгә республика районнарыннан, шулай ук Чиләбе, Оренбург, Саратов өлкәләреннән, Татарстаннан, Ханты-Манси автономлы округыннан 50ләп команда җыелган.