Паспортлы булдылар

2 ноябрь көнне Бөгелмә Туган якны өйрәнү музеенда, республикакүләм "Гражданлык сәгате" акциясе кысаларында, яшь гражданнарга паспортлар тапшырылды. Халыклар бердәмлеге көне уңаеннан оештырылган тантаналы чарада 14 яше тулган үсмерләргә төп документны Бөгелмә шәһәре мэры урынбасары Ирина Белова тапшырды. - Россия гражданины булу - үз иленең тарихын да, бүгенгесен дә белә, законнарын хөрмәт итә, дәүләт символларын да ихтирам итә торган кеше булу дигән сүз ул, - диде Ирина Борисовна яшҗләрне тәбрикләп.