Карабаш бистәсе – юбиляр

Карабашка шәһәр тибындагы бистә исеме бирелүгә быел 60 ел тула. Юбилей 26 август көнне билгеләп үтеләчәк. "Бүгенге көндә юбилейга әзерлек буенча бик актив эш алып барабыз. Территорияне төзекләндерәбез, бистәбезне матурлыйбыз. "Поселок көне, нефть һәм газ сәнәгатендә эшләүчеләр көне"н бәйрәм итү программасы өстендә дә эш кызу бара. Планда "Яраткан Карабашым", "Иң яхшы юбилей эмблемасы" һәм "Матур Карабаш" фотоконкурсы уздыру тора", - дип билгеләп үтте шәһәр тибындагы бистә башлыгы Марат Минхәйдәров.