Димскәйлеләр Нәүрүзне бәйрәм итте

Кичә Татар Димскәе авылы мәдәният йортында китапханә белән берлектә «Нәүрүз килә...» дигән бәйрәм чарасы уздырылды.

Безнең авылыбызда бу бәйрәмне үткәрү матур традициягә әйләнде. Тамашачылар Нәүрүз бәйрәменең килеп чыгу тарихы белән танышты. Кыш бабай белән Нәүрүзбикә көч сынашып, Кыш үз урынын Нәүрүзбикәгә тапшырды. Халкыбызның милли уеннарында балалар белән бергә, бәйрәм тамашасына килгән авылдашларыбыз да бик теләп катнашты. Бәйрәм ахырында килгән кунакларны карга боткасы һәм коймак белән сыйландык.

Нәүрүз бәйрәме быел да бик күңелле үтте.

Гөлнара РӘХИМОВА, сәнгать җитәкчесе; Зелера КАМАЛИЕВА, китапханәче.