Бөгелмәлеләр булдыра! (+ФОТО)

29 сентябрьдән 10 октябрьгә кадәр Чаллы шәһәрендә дзюдо буенча Бөтенроссия турниры үтте. Ул КамАЗ заводы бүләкләренә оештырылды. Спорт чарасында илнең төрле регионнарыннан 2001-2002 елгы 252 малай һәм кыз катнашты. Бөгелмәнең "Факел" балалар һәм яшүсмерләр спорт мәктәбендә тәрбияләнүчеләр яхшы нәтиҗәләр күрсәтте. 90 килограммнан артык гәүдә авырлыгында Павел Кислинский (5 мәктәп) 1 нче урын яулап, алтын медальгә лаек булды. 60 килограммга кадәр гәүдә авырлыгы категориясендә 2 нче урында - Данил Золотухин (11 мәктәп).

Спортчыларны Илдар Фәттәхов тәрбияли.