Бөгелмәдә яңа ашыгыч ярдәм машинасы барлыкка килде

Тантаналы чара, республика ЮХИДИ идарәсе бинасы каршындагы мәйданда узды.

– Иң мөһиме-кешегә вакытында кирәкле медицина ярдәме күрсәтү, ә моның өчен заманча санитар машиналар кирәк, – дип билгеләп үтте ТР Президенты. – Ике ел эчендә медицина учреждениеләренә республика бюджеты хисабына алынган 291 ашыгыч ярдәм автомобиле тапшырылды. Шуның белән бергә без федераль ярдәм дә алабыз: хастаханәләргә инде 29 автомобиль кайтты, якын киләчәктә тагын 17 берәмлек техника көтәбез. Болар барысы да безнең кичектергесез медицина ярдәме күрсәтү системасының югары дәрәҗәдә әзерлеге турында сөйли.

ТР Президенты ассызыклаганча, соңгы дүрт ай республика сәламәтлек саклау системасы өчен җитди сынау булды.

– Моменттан файдаланып, барлык медучреждениеләр җитәкчеләренә һәм сезнең коллективларга  башкарган эшләре өчен рәхмәт белдерәсем килә. Коронавирус беркая да китмәгән. Әмма бүген Covid-19га каршы көрәш белән бергә һәм планлы хезмәт күрсәтүне дә кире кайтарырга кирәк. Бу, әлбәттә, бик зур эш, – дип өстәде Рөстәм Миңнеханов.

Татарстан табиблары, илдә җитештерелгән һәм ашыгыч медицина ярдәмен күрсәтү, пациентларның торышын транспортлау һәм мониторинглау, шулай ук Госпитальгә кадәрге этапта интенсив терапияне үткәрү өчен медицина җиһазлары белән җиһазландырылган 54 ашыгыч ярдәм каретасының ачкычларын алдылар.

Бер машина Бөгелмә РҮХнең арсеналында да пәйда булды.

ТР Президенты матбугат хезмәте фотосы