Бөгелмәдә һәм районда 2019 ел нәтиҗәләре буенча халык җыеннары үткәрелә

Бу хакта эшлекле дүшәмбедә район башлыгы урынбасары Фәнис Мөхәммәтов хәбәр итте. Киңәшмәне гадәттәгечә Бөгелмә мэры Линар Закиров үткәрде.

Аның сүзләренә караганда, халык белән очрашуларда администрация хезмәткәрләре, шәһәр һәм район хезмәтләре вәкилләре катнашты. Җыеннарда авыл җирлекләрендә яшәүчеләр төрле яклы мәсьәләләр күтәрделәр. Иң еш бирелә торган сорау – каты көнкүреш калдыкларын чыгару графигын үтәү һәм барлык урамнарны “Гринта” ҖЧҖ төбәк операторы тарафыннан колачлау. Хәзерге вакытта бу мәсьәлә халыкның гозерләрен исәпкә алып эшләнде. Су белән тәэмин итү мәсьәләсен нормальләштерергә.  Авыл торак пунктларында чикләрнең киңәюе һәм йортлар төзүнең артуы сәбәпле, әлеге мәсьәлә 2020 ел программасына кертелгән. Электр белән тәэмин итү – Березовка авыл җирлегендә электрны өзү турында халык мөрәҗәгате булды. Республика программаларына кертү мәсьәләсен карарга кирәк.

Шулай ук авыл мәдәният йортларын капиталь ремонтлау мәсьәләсе дә кискен тора.  Соңгы 5 елда Иске Сумароково, Акбаш, Соколка, Яңа Сумароково, Березовка, Батыр һәм Плодопитомникта 7 авыл мәдәният йорты төзелде. Прогресс, Вязовка, Подгорный, Кече Бөгелмә, Петровка бистәләрендә 5 авыл мәдәният йорты капиталь ремонтланды.

Халык соравы буенча Зеленая Роща авыл мәдәният йорты бинасын ремонтлау 2020 елга республика программасына кертелгән. Спас, Наратлы, Иске Исаково, Таллы Бүләк авылларында 2021-2023 елларга мәдәният йортларын ремонтлау программасына кертү мәсьәләсе карала.

Барлык сораулар да контрольгә алынды.

Мәгълүмат һәм фото - Бөгелмә муниципаль районы порталыннан