Бөгелмәдә кечкенә авторның күргәзмәсе ачылды (+ФОТОЛАР)

Бөгелмәнең туган якны өйрәнү музее балалар иҗаты дөньясына ишекләрен ачты - биредә "Олы җиһан кечкенә кеше күзе аша" рәсемнәр күргәзмәсе ачылды.

Күргәзмәдә матурлык, игелек һәм бәхет турындагы хыяллар белән яшәүче Наил Мортазинның фантазиясе тәкъдим ителгән.

Авторга 7 яшь, быел ул 1 нче сыйныфка барачак. Яшенең бәләкәй булуы да аңа рәсем сәнгате аша әйләнә-тирә дөнья турында үз фикерен әйтергә комаучаулык итми.

Күргәзмә июнь азагына кадәр эшлиячәк. Музей хезмәткәрләре теләге булган һәрбер кешене дә әлеге рәсем дөньясына чакырып кала.