Бөгелмә районыннан Дроздовлар гаиләсен Энҗе туйлары белән котладылар

2020 елның 8 августында Татарстан Республикасы Бөгелмә муниципаль районы Башкарма комитеты ЗАГС бүлегендә Светлана Александровна һәм Михаил Леонидович Дроздовлар 30 ел бергә гомер итүләрен билгеләп үттеләр.

Гаилә тормышында Энҗе юбилей – ул бер-берсен  яраткан ике кеше бергәләп  узган зур һәм бай тормыш.

Михаил белән Светлана 1990 елда уртак дуслары туенда танышалар. Бер-берсен ошаталар, очраша башлыйлар. Танышканнан соң берничә ай узгач, 1990 елның 7 сентябрендә Татарстан АССРның Бөгелмә шәһәре ЗАГС бүлегендә никахларын теркиләр.

Михаил, мәктәпне тәмамлаганнан соң, Тула шәһәренә эретеп ябыштыручы белгечлеге буенча укырга китә. Училищедан соң егетне армиягә алалар. Аннан ул  Бөгелмә шәһәренә кайта.

Хезмәт эшчәнлеген Бөгелмә электр насослары заводында эретеп ябыштыручы булып башлый.

Михаил Леонидович һәм Светлана Александровнаның ике баласы бар: Сергей һәм Екатерина. Алар әти-әниләренә дүрт онык – Ксения, Матвей, Кирилл һәм Маргаританы бүләк итәләр.

Хәзерге вакытта Михаил Александрович – лаеклы ялда. Спорт белән актив шөгыльләнә, балык тотарга ярата. Светлана Александровна заводта эшләвен дәвам итә. Буш вакытында кул эшләре белән шөгыльләнергә ярата.

Дроздовлар гаиләсендәге ныклы мөнәсәбәтләренең сере, беренче чиратта, бер-беренә мәхәббәт, хөрмәт, гаилә кыйммәтләренә нигезләнгән намуслылык һәм тиешле тәрбиядән гыйбарәт.

ЗАГС бүлеге начальнигы Элла Демченко гаиләгә киләчәктә дә бәхет теләде, Бөгелмә муниципаль районы башлыгы Линар Закиров исеменнән котлау тапшырды. Бәхетле пар Бөгелмә районының Мактаулы гаиләләре китабында үзләренең имзаларын калдырды.