Бөгелмә районының мәдәният хезмәткәрләрен котлыйбыз!

25 март - Россиядә мәдәният хезмәткәрләре көне буларак билгеләп үтелә. Шул уңайдан без дә, "Бөгелмә авазы" газетасы хезмәткәрләре мәдәният өлкәсендә хезмәт итүчеләрне һөнәри бәйрәмнәре белән котлыйбыз.

Республикабыз мәдәнияте югары темплар белән үсеш ала.Сезнең эшегез халыкта рухи-әхлак, тормыш матурлыгын саклый белүгә һәм Ватанга мәхәббәт кебек тормыш кыйммәтләре формалаштыра. Мәдәнияттән башка халык традицияләрен саклау, яшь буында патриотлык һәм толерантлык хисләре тәрбияләп булмый. Мәдәният, интеллектуаль милек, иҗади казаныш - җәмгыять үсешенең мөһим ресурсы. Сезгә сәламәтлек, иминлек, һәр башлаган эштә уңышлар телибез!