Бөгелмә кызы “Роза Ветров -2017” бәйгесендә җиңгән

10, 11 февральдә Бөгелмәдә балалар һәм яшүсмерләрнең "Мәскәү - Бөгелмә транзит" ("Роза Ветров-2017") дип атала торган традицион Бөтенроссия бәйгесе узды.

Анда Татарстан, Башкортстан Республикаларыннан, Оренбуг өлкәсеннән килгән 400ләп талантлы үсмер бию, вокал, уен коралларында көй башкару буенча осталыкларын күрсәтте.

Бөгелмәдә әлеге бәйге 9 нчы тапкыр уздырылды. Нәтиҗәдә, беренче тапкыр бөгелмәле София Филатова "Гран-при"га лаек булды. Ул вокал белән шөгыльләнә, фортепианода уйный. Моңа кадәр ул "Рухият" фонды оештырган "В стране поющего соловья" конкурсында беренче урынны алган булган.