Бөгелмә чаңгы юлында

10 февральдә, инде 36нчы тапкыр уздырыла торган традицион "Россия чаңгы юлы - 2018" проекты кысаларында, Бөгелмәдә дә спорт бәйрәме узды.

Бу көнне хакимият җитәкчеләре, предприятиеләрнең хезмәт һәм физкультура коллективлары, шәһәр һәм район мәктәпләрендә, урта һәм югары уку йортларында белем алучылар - барлыгы 4 меңнән артык кеше чаңгыга басты.

Старт бирелер алдыннан Бөгелмә шәһәре мэры урынбасары Ирина Белова һәм шәһәр башкарма комитеты җитәкчесе Михаил Конков җыелган халыкны сәламләп, иң изге теләкләрен җиткерделәр.

Моннан тыш, чаңгы юлында 2, 3, 5 километрлы араларда ГТО нормативлары тапшыру өчен дә шартлар булдырылган иде.