Без – табигать балалары!

"Үзәкләштерелгән районнар клуб системасы" учреждениесенең Зеленая Роща мәдәният йортында "Земляне" халык үзешчән коллективының "Яратырга, кадерен белергә һәм сакларга" дип исемләнгән концерт программасы үтте. Чара Татарстанда Экология һәм иҗтимагый киңлекләр елына багышланды.

Яшь артистлар үзенчәлекле, матур һәм кызыклы итеп чыгыш ясадылар. Авылның экология проблемасына, халыкның табигатькә карашына кагылышлы мәзәкләр, шаян сүзләр бик урынлы булды

Шулай итеп, шаян формада тамашачылар игътибары бүгенге көннең иң актуаль проблемаларының берсе - экологияне саклау һәм табигать ресурсларын куллануга юнәлтелде.

Ольга БОРОДИНА,

Зеленая Роща мәдәният йорты мөдире.