Акциягә кушылыйк!

Автомобильсез бер көн

22 сентябрьдә күп илләрдә "Автомобильсез бер көн" дигән экологик акция уза. Чараның максаты - автомобильләрнең әйләнә-тирә мохиткә нинди зарар китерүе турында тагын бер кат искә төшерү.
Бу чарада җәяү һәм велосипедта йөрүнең файдасы, кирәк җиреңә җәмәгать транспортында да шундый ук кыенлыкларсыз барып җитәргә мөмкин икәнлеге күрсәтелә һәм аңлатыла.
Хөрмәтле бөгелмәләр! Әйдәгез, дөнья күләмендә алып барылган күркәм инициативаны хуплыйк һәм нибары бер көн дәвамында шәхси транспортны һәм эш машиналарын куллануны чикләп торыйк!