“А. Д. Губин исемендәге яшьләр сәламәтләндерү үзәге” учреждениесендә реконструкция эшләре дәвам итә.

1973 елда ачылган балалар сәламәтләндерү лагере  Бөгелмәдән 10 километрда урнашкан 34 мең квадрат метр мәйданлы урманда урнашкан. Лагерь корпусларының блоклары тулысынча үзгәртелгән – алар казарма тибындагы бүлмәләрдән заманча уңайлы кунакханә номерларына әверелгән.

Өстәвенә, өч катлы корпусларның беренче катлары ел әйләнәсе аз хәрәкәтләнүче балаларның ял итү өчен җайлаштырылган. Биредә коляскаларда йөрү өчен пандуслар, киң ишекләр һәм мөмкинлекләре чикләнгән балаларның көнкүрешен җиңеләйтә торган башка җайланмалар бар. Хәзерге вакытта җиһазлар һәм интерьер әйберләренең килеп җитүен көтәләр.