Фазыл кунакка чакыра

Фазыл Вәлиәхмәт, үзенең юбилее уңаеннан, 13 март көнне Карабаш мәдәният йортында узачак иҗат кичәсенә чакыра. 14 сәгатьтә башланачак кичәдә аның киңкырлы эшчәнлегенә бәйле документаль фильм күрсәтү, “Онытылмас еллар” дигән яңа китабын тәкъдир итү планлаштырыла. Ә тагын Казан, Чаллы һәм башка шәһәрләрдән килгән күпсанлы дуслары: галимнәр, язучылар, артистлар да катнашачак. Димәк, әдәби-музыкаль  композиция форматында узачак бу бәйрәм кичәсе бик җанлы һәм бай эчтәлекле булачак.