Модада - сәламәт яшәү рәвеше: спортчыларның мәктәп укучылары белән очрашуы

16 октябрьдә туган якны өйрәнү музее хезмәткәрләре тарафыннан Мостафа Өнҗәл исемендәге татар-төрек лицее укучылары – кикбоксерлар: Павел Поздняков, Тимур Арсланов, Илнур Шәйхетдинов һәм аларның тренеры Рафик Госман улы Дәүләтшин белән “Бүген сәламәт яшәү рәвеше модада”дип исемләнгән очрашу оештырылды.

Тимурны әлеге спорт төренә 6 яшь булганда әнисе алып килгән. Хәзер аңа 17 яшь, 71 кг авырлык категориясендә ул Финляндия спортчысы белән ярымфинал көрәшендә җиңү яулады. Финалда исә Казахстаннан килгән көндәшен җиңде, дөнья Кубогында җиңү яулады.  Тимур спорт мастеры булырга тели.

Ә менә Павел бик актив бала булган. Ул әйтмешли, өйләрендә барысы да очкан һәм ватылган. Павел 3нче сыйныфта укыганда, әтисе аның энергиясен кирәкле юнәлештә җибәрергә карар итә, аны спортка алып килә. Хәзер аңа 16 яшь, ул финал көрәшендә җиңү яулады һәм 60 кг авырлык категориясендә дөнья кубогы җиңүчесе булды.

Егетләр – “World Cup Diamond” Дөнья Кубогының Халыкара ярышларында җиңүчеләр.

Илнур Шәйхетдинов 5 сыйныфта спортка килгән. Аның бу карарын әнисе хуплый.  Тыйнак, хөкемдар Илнур 15 яшендә Самара шәһәрендә узган Россия беренчелегендә - 3 нче, Венгриядә - 2 нче урынны алган, Россия беренчелегенең көмеш призеры.

Лаеклы спортчыларны тренерлар әзерлиләр, Рафыйк Госман улы егетләрне ихтыяр көче, түземлелек, җиңүгә һәм билгеләнгән максатка ышанычлы адымнар белән барырга өйрәтә.

Егетләргә югары үрләргә ирешәсең килсә, күп хезмәт куярга, алдан ук үз көнеңне планлаштырырга, яхшы укырга, күп укырга кирәк дигән сораулар да күп яңгырады.

Спорт - җиңүләр шатлыгы ул, әмма, барыннан да элек, бу җиңү, үз-үзеңне камилләштерү юлында көндәлек хезмәт, характер һәм үз-үзеңә ышаныч тәрбияләү. Ул үзендә көч табарга, матурлыкка һәм сәламәтлеккә илтә.

Мэрия матбугат хезмәте фотосы