Бөгелмәдә 50дән артык пенсионер ярышларда үз көчләрен сынады

ТАССР оешуның 100 еллыгын бәйрәм итүгә багышланган “Өченче яшь” пенсионерларның XII Спартакиадасы уңаеннан, Тестлаштыру үзәге тарафыннан ГТО мәйданчыгы оештырылды.

Чараның максаты - физик культурага аңлы ихтыяҗлар формалаштыруга һәм ГТО тестларын үтәүгә юнәлдерелгән пропаганда һәм мәгълүмати эш.

Пенсия яшендәге 50дән артык кеше дустанә шартларда ярышларда үз көчләрен сынады: идәнгә ятып, кулларда күтәрелү, гимнастика эскәмиясенә басып, алга иелү, аркада ятып, гәүдәне күтәрү (1 минут эчендә бер тапкыр), шулай ук скандинавия йөрешен башкару техникасы белән танышты.

Катнашучылар яшьнең спортка комачауламавын күрсәтте, алар күңел күтәренкелеге һәм күп уңай тәэсирләр алды.

Гүзәл Суняева

Автор фотолары