"Дөньядагы иң гүзәл зат" бәйгесендә – Гүзәл Муллаәхмәтова

"Дөньядагы иң гүзәл зат" бәйгесенә Бөгелмәдән Гүзәл Муллаәхмәтова кушылды. Ул безгә оныгы белән төшкән фотосын юллаган.

"Бөгелмә авазы" газетасы Халыкара хатын-кызлар көне уңаеннан bugulma-tat.ru сайтында "Дөньядагы иң гүзәл зат" дип исемләнгән яңа фотоконкурс игълан итте. Сездән әниегез, әбиегез, апагыз, сеңлегез, үзегез төшкән үзенчәлекле фотолар көтеп калабыз.

Бәйгедә катнашу өчен фото белән бергә исем-фамилия, яшәгән шәһәр яки авылны, фотода кем булуын күрсәтеп, бәйләнешкә керү өчен телефон номерыгызны да юллавыгызны сорыйбыз. Аларны lai-ru@yandex.ru электрон адресына яки "ВКонтакте" челтәрендәге администраторга https://vk.com/id378693978 "Дөньядагы иң гүзәл зат" дип җибәрүегез сорала.

Фотолар 25 февральгә кадәр кабул ителә, тавыш бирү 26 февральдән алып, 6 мартка кадәр узачак. 7 март көнне бәйгенең җиңүчесен игълан итәчәкбез.

Бәйге турында барлык мәгълүмат "Бөгелмә авазы" газетасы сайтында һәм "ВКонтакте" челтәрендә газетаның шәхси битендә булачак.

Җиңүче пар тавыш бирү нәтиҗәсендә ачыкланачак. Тагын бер тапкыр искәртеп үтәбез, бу юлы тавыш бирүнең катлаулы, алдап-йолдап булмый торган ысулын сайлаячакбыз.

Иң үзенчәлекле дип табылып, аеруча күп тавыш җыйган фото авторын спонсорыбыз "Алина" матурлык салоныннан бик шәп бүләкләр: 1 урынга - 1500лек, 2 урынга - 1000лек, 3 урынга - 500 сумлык "Матурлык" сертификатлары көтә.