Бәраәт кичәсе.

Бу бөек кичәдә кешеләрнең гамәлләре Аллаһы Тәгаләгә тапшырыла, бөтен мәхлукларның бер еллык эшләре тәкъдир ителә: киләсе бер ел эчендә үләчәк һәм туачак җаннар языла, барча җанлыларның еллык ризыклары бүлеп бирелә. “Тәкъдирдән узмыш юк, тәкъдир язылган инде” – димәгез: бу кичтә Аллаһы Тәгаләнең рәхмәт капкалары ачылыр, илаһи рәхмәте җир йөзенә төшәр,  хәер-бәрәкәт килер, мөселманнарның гөнаһлары кичерелер. Ә инде изге гыйбадәттә булып, сорау-ялварулар белән мөрәҗәгать иткәннәрнең тәкъдир гамәлләренә хәерле төзәтмәләр кертелер. Шуңа күрә дә бу кичне тәүбәләр кылып, гыйбадәттә, нәфел намазлары укып уздыру хәерле.