Бөгелмәдә яшәүче йөз яшьлек хатын-кыз сайлауларда тавыш бирде

Пенсионер үзенә ошаган кандидат өчен тавыш бирде.

Сайлау комиссиясе вәкилләре аның өенә барды. Алар үзләре белән бюллетеньнәр һәм махсус урналар алып килгән,  ә үзләре – шәхси саклану чараларында: участок сайлау комиссиясе әгъзалары халат, битлек һәм перчаткалар кигән иде.

Олы яшьтә булуына карамастан, Александра Никифоровна районда, республикада һәм илдә барган вакыйгалар белән кызыксынып тора. Йөзъяшәр әби берничә дистә ел инде җирле район газетасын яздырып ала, аның һәр санын беренче битеннән соңгы битенә кадәр укып бара.