Россия Эчке эшләр министрлыгы Бөгелмә районы бүлеге: коронавирус инфекциясе таралуны кисәтү чаралары

Россия Эчке эшләр министрлыгы Бөгелмә районы бүлеге тарафыннан муниципаль район территориясендә, инфекция таралуны кисәтү буенча уздырылучы чаралар кысаларында, бүген масштаблы эш дәвам итә. Бу хакта Россия Эчке эшләр министрлыгы Бөгелмә районы бүлегенең полиция башлыгы урынбасары Иван Ионов Бөгелмә мэриясе киңәшмәсендә хәбәр итте.

«COVID-19» таралуына  каршы тору максатларында бүлек хезмәткәрләре көн саен Россия Федерациясе чикләреннән килгән затларның яшәү урыны буенча тикшерүләр үткәрәләр. Бүгенге көндә Бөгелмә шәһәренең 2 кешесенә карата тестлар узудан баш тарткан өчен административ хокук бозу турында беркетмәләр төзелгән (15 мең сумнан 40 мең сумга кадәр штраф).

1 апрельдән 7 декабрьгә кадәр Россия Эчке эшләр министрлыгы Бөгелмә районы бүлеге хезмәткәрләре көче белән шәһәрнең төрле микрорайоннарында 200дән артык тикшерү үткәрелгән.

Яңа коронавирус инфекциясе таралу куркынычы белән бәйле бик күп административ хокук бозулар ачыкланды. Хокук бозу турында 3 645 беркетмә төзелгән, алар буенча суд карарлары кабул ителгән.  

Бөгелмә муниципаль районы территориясендә урнашкан предприятие милекчеләренә һәм җитәкчеләренә карата Татарстан Республикасы Министрлар Кабинетының карар таләпләрен үтәмәгән өчен административ хокук бозу турында 242 беркетмә төзелгән.