Бөгелмәдә ЮХИДИ бүлекчәләрендә дәүләт хезмәтләре күрсәтүнең сыйфатын тикшерделәр
Россия Эчке эшләр министрлыгының Бөгелмә районы бүлеге каршындагы Иҗтимагый совет әгъзалары ЮХИДИ бүлекчәләрендә дәүләт хезмәтләре күрсәтүнең сыйфатын тикшерде.
«Гражданлык мониторингы» акциясе кысаларында, Бөгелмә районы эчке эшләр бүлеге каршындагы иҗтимагый совет рәисе Рөстәм Шәфигуллин һәм совет әгъзасы Флорис Җиһангәрәев ЮХИДИ бүлеген тикшерде.
Тикшерүдә Россия Эчке эшләр министрлыгының Бөгелмә районы ЮХИДИ бүлегенең РЭО бүлекчәсе начальнигы полиция майоры Рафис Мифтахов катнашты, ул бүлектә эшнең ничек оештырылуы турында сөйләде һәм тикшерүчеләрнең сорауларына җавап бирде.
Иҗтимагый совет әгъзалары документларны кабул итү һәм бирү залларын карадылар, автомототранспорт чараларына һәм стендларда урнаштырылган мәгълүматның тулылыгына кагылышлы дәүләт хезмәтләре күрсәтүнең сыйфатын бәяләделәр.
Моннан тыш, иҗтимагый совет вәкилләре булачак машина йөртүчеләр өчен имтихан үткәрү процедурасын да тикшерделәр.
Җәмәгатьчеләр инструктаж үткәрү барышын күзәттеләр, шулай ук машина йөртү хокукларына имтихан тапшыру тәртибенең үтәлешен тикшерделәр.
Гомумән алганда, җәмәгатьчелек вәкилләре бүлекчәләрнең эшен канәгатьләнерлек дип таныды.
Россия Эчке эшләр министрлыгының Бөгелмә районы буенча бүлеге матбугат хезмәте
Следите за самым важным и интересным в Telegram-каналеТатмедиа
