Бөгелмәдә полиция хезмәткәрләре кайнар эздән подъездда кылынган талауны ачыклаган
Россия Эчке эшләр министрлыгының Бөгелмә районы буенча бүлегенең җинаятьчеләрне эзләү бүлеге хезмәткәрләре кыска вакыт эчендә караклык кылуда шикләнеп, бөгелмәле ир-атны ачыклаган һәм тоткарлаган.
3 февральдә полициянең дежур частенә бер кеше аңа карата җинаять эше кылынуы турында гариза белән мөрәҗәгать итә. Күп фатирлы йорт подъездында билгесез кеше аңа карата көч кулланып, 1500 мең сум акчасын талап алган.
Оператив-эзләү чаралары комплексы нәтиҗәсендә хокук сакчылары ир-атка элек хөкем ителгән 32 яшьлек бөгелмәле һөҗүм итәргә мөмкин дигән мәгълүмат пәйда булган. Полицейскийлар шикләнелүченең урынын ачыклый һәм аны тоткарлый. Сорау алу барышында җинаятьче үз гаебен таныган.
Россия Федерациясе Җинаять кодексының 161 маддәсенең 2 өлешендә каралган җинаять билгеләре буенча тикшерү органнары тарафыннан җинаять эше кузгатылган.
Статьяның әлеге өлеше санкциясе белән җиде елга кадәр иректән мәхрүм итү рәвешендә максималь җәза каралган.
Россия Эчке эшләр министрлыгының Бөгелмә районы буенча бүлеге матбугат хезмәте
Следите за самым важным и интересным в Telegram-каналеТатмедиа
