Бөгелмәдә полицейскийлар һәм җәмәгатьчеләр өлкән сыйныф укучылары белән профилактик әңгәмәләр үткәрделәр

Полиция хезмәткәрләре һәм Россия Эчке эшләр министрлыгының Бөгелмә районы буенча бүлеге каршындагы Иҗтимагый совет вәкилләре мәктәп укучылары белән агитация һәм профилактик әңгәмәләр үткәрүләрен дәвам итәләр.

Шундый очрашуларның берсе 11нче һәм 16нчы гомуми белем бирү мәктәпләрендә узды. Шәхси состав белән эшләү бүлеге белгече (тәрбия эшләре буенча), эчке хезмәт капитаны Алия Чакушина полиция хезмәтенең үзенчәлекләре, эчке эшләр бүлегенә, шулай ук Россия Эчке эшләр министрлыгы системасындагы югары уку йортларына керү тәртибе, хезмәткәрләр өчен ташламалар һәм социаль гарантияләр турында сөйләде.

Чара бик файдалы һәм кызыклы булды. Тәртип сакчылары яшьләрне үз иленең җаваплы һәм закончалыклы гражданнары булырга чакырдылар һәм ТР буенча ЭЭМ тарафыннан махсус эшләнгән белешмәлекләр тараттылар, алар куркынычсызлык кагыйдәләре турында сөйли, дип хәбәр итә Россия Эчке эшләр министрлыгының Бөгелмә районы буенча бүлеге матбугат хезмәте.